രാജ്യകാര്യം

അല്ല, ഞാന്‍ പറഞ്ഞു വന്നത് സ്വപ്നവാസവദത്തത്തെ പറ്റിയാണ് വാസവദത്തയേയും പത്മാവതിയെയും വിട്ടുകളയാം. ഉദയനന്‍.... അവന്‍ ആണ് താരം. ആര്‍ഷ ഭാരതത്തിലെ നല്ല ഒന്നാം തരം കോഴി രാജാവ്. വാസവദത്തം കൂടാതെ ഭാസന്‍റെ തന്നെ പ്രതിജ്ഞായൌഗന്ധരായണം, ഹര്‍ഷന്‍റെ രത്നാവലി എന്നീ സംസ്കൃത നാടകങ്ങളില്‍ ഉദയനന്‍ തന്നെ കേന്ദ്ര കഥാപാത്രം. ഹമേലിനിലെ പൈഡ്പൈപ്പറിനെപ്പോലെ സംഗീതം കൊണ്ട് ജാലവിദ്യ കാട്ടി കാട്ടില്‍നിന്നു ആനകളെപ്പോലും വശത്താക്കുന്നതില്‍ നിപുണന്‍. ആന പിടുത്തത്തില്‍ ഉണ്ടായിരുന്ന ഈ നൈപുണ്യം പെണ്ണ് പിടിയിലും കള്ള് കുടിയിലും കൂടി ആയപ്പോള്‍ രാജാവ് പരമ യോഗ്യനായി. പുരുഷ കേസരി, എന്തുകൊണ്ടും ഭാരതം ഭരിക്കാം.

ജനാധിപത്യത്തില്‍ നേതാക്കള്‍ ഉദയനനെപ്പോലെ പരസ്യമായി വ്യഭിചരിക്കാത്തതാണ് വിഷയം. സദാചാരം പുലമ്പി ഖദര്‍ തൊപ്പിക്കുള്ളില്‍ കുപ്പി ഒളിപ്പിച്ച് ഇരുട്ടില്‍ പഞ്ചാര ഒലിപ്പിച്ച് നടക്കുന്ന ഹസാരെമാരെക്കാലും ഭേദം ഉദയനന്‍ തന്നെ.